Archives

Yaya Vita Kimpa

Yaya Vita Kimpa

Ntumua Tata Nzambi A Mpungu Yaya Vita Kimpa. Mu nvu wa 1685, Kabutuka Ye wa yo kua ku Tiya kua Mindele Munvu wa 2-7-1706 ku Kongo.

Mu mvu wa 1685, muabutuka muan’a nkento umosi, nkumbu andi Vita Kimpa. Bu kabotekua, bamvana nkumbu vo Dona Bêatrice.

Nkumbu yoyo, Dona, yena nkumbu ya kisi Mputu, ya Kimputu Lukezo. Dona Beija, Dona Maria, Dona Izabel, Dona Béatrice,… I nkumbu yoyo, ya Dona, bisi Kongbo bakitula NDONA.

Muanda Velela bu wakulumuka mu yandi, Mama Vita Kimpa kazola diaka nkutu k ovo bam’bokelelanga vo Ndona Béatrice. Yandi walomba kua bantu babo mu kumbokelelanga kaka vo Vita Kimpa, kadi yoyo ii nkumbu yibam’vana kua Bisimbi bia Ntemo mu kileke kiandi mu mfinda. Bisimbi biabi biam’vana nsilulu vo:

Kimpa Vita! Kisalu kianene kia Mfumu za Kayengele una sala ku ntuala.

Bonso buavova dio Bisimbi biam’van nkumbu mu kileke kiandi, Mama Vita Kimpa wakituka umosi mu Ntumua zanene z a KONGO DIA NTOTELA. Mindele mia Mpelo miam‘ telamena ye kum‘ yoka wamo yo ku tiya kia 2-7-1706.

Kia 2-7-1995, BUNDU DIA KONGO wasadisa lukutukunu luanene ku Zoo, ku mbanza Kinsasa. Mafunda matatu ye nkama zole za bantu (= trois mille deux cents) bakala ku lukutukunu lumbu kiokio. Landila lukutukunu lolo, bantu babingi balomba kua Nlongi‘ a Kongo, kidivo kasoneka mu nkanda wamvimba malongi ma kalonga lumbu kiokio ku Zoo.

Nkanda wau, wu mvene nkumbu vo MAMA VITA KIMPA i mvutu mu ndombolo yoyo ya bantu.

NE MUANDA NSEMI
Nlongi‘ a Kongo Ne Makandala
Nkuluntu a Bundu dia Kongo

Kinsasa, ia -7-1995

Buch Interpretation yaya Londa Zikua dia Stuttgart Germany

No comments

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.